بدايه الراب في مصر

' بدايه تاثير مشهد الراب المصري في الشارع و الميديا كان في 2010-2011  في فيلم " ميكروفون " الي ايام الثوره , طبعا و من قبل كدا كمان مثل " واي كرو - ايجي راب سكول - ارب ليج - دربكه باند - ام تي ام - اسفلت - سي سي جي - جي ام سي " بس من بدايه 2010 لحد انهرده الراب في تطور ..

في كام فريق بداء يظهر في ايام الثوره مثل : ( اسفلت - ايجي راب سكول - ارب ليج - واي كرو- عدم الانحياز - مشروع هيب هوب )

ناس دي اثرت في المشهد المصري بطريقه مرعبه ..

البدايه من 2012  تراك " ضحكة عملة نادرة " و 2013 تراك " في اختلفنا رحمه "

من هنا بداء ناس كتير بدأت تظهر زي " فاميليا شبرا - العزبه - دوشه ميوزك - الغوريلات - اول السطر- ريفليوشن - هوليهود - ميكروسكوب - التتار- بلاك هند فاميلي " المشهد بداء يكون في منفسه كتير اوي الفتره دي ..

وبعد كده بداء فرق كتير اوي تبطل و ناس كتير اوي اعتزلت ..

بداء يظهر ابـ يوسف و الجوكر و عفريت و شمس الدين و اسلام ايفيل و دينيو و يوسف جوكر و عفروتو و سانتا و مستي و خشخش  ..

بعد كدا بداء ظهور " المفشخه " لمة ناس كتير بشكل غير طبيعي ..

و بداء يحصل منافسه اكتر و في ناس بطلت كتير .. 

استمرت احداث المجال كدا لحد تقريبا 2016 بداء المجال شبه يختفي لان محدش كان مهتم و ناس كتير اوي زهقت عشان مفيش انتاج بس الشيء الغريب ان ابـيوسف فضل مكمل ووصل لناس كتير اوي .. 

مع اواخر 2017 بدايه ظهور برنامج باتل راب " ياتراب ياتموت " ضم ناس كتير اوي مكنتش معروفه في البدايه .. البدايه كانت صدمه لناس كتير اوي حتي منظمين البرنامج بعد كدا بداء ابـيوسف يشير وبدا ناس كتير اوي تعرف البرنامج و بداء برنامج "الباتل زون" يرجع بتاني حلقه ليهم من هنا اقدر اقول دي كانت بدايه الانتشار و المنافسه زادت بطريقه مرعبه جدا و تحول المشهد الراب المصري بالظهر في الوطن العربي .. 

ثم بداء ويجز بـ tnt و دي كانت الصدمه فعلا .. لان التراك ده علي قد ما هو قوي علي قد ما هو كان بيوصف حاجات كتير اوي عن الشباب  ..

ثم بداء "راب اور داي" بعمل اول حفله " كايرو اليكس" ظهر فيها مروان بابلو بتراك "الغلاف" و تراك " عايز فين " و ظهر "مينو زين" و "ليجي سي" و "فانديتا" و "فرغلي بلاكس" و "لورد" و "بتستوتا" و "الخيال" و " مروان موسي " و "عفروتو" و " علي ويزي " .. 

(الجيل الي عمل رابكه في مشهد الراب المصري فعلا) .. 

https://a3rfm3lomat.blogspot.com/2019/11/abyusif.html?m=1

https://a3rfm3lomat.blogspot.com/2019/11/wegz.html?m=1

https://a3rfm3lomat.blogspot.com/2019/11/abyusif-part-2.html?m=1

https://a3rfm3lomat.blogspot.com/2019/11/marwan-paplo.html?m=1

https://a3rfm3lomat.blogspot.com/2019/11/wegz-part-2.html?m=1

https://a3rfm3lomat.blogspot.com/2019/11/marwam-mousa.html?m=1

اختصار الاحداث من بعد تراك "فري" 

المنافسه بدات تصعب اوي و في نفس الوقت الوصول بقي سهل جدا ..

احنا في نهايه 2019 لسه السنه مخلصتش و الي حصل ده كلو ف نطاق نشر الراب و بدايه ظهور مزيكا مختلفه و دعايه في الحفلات و الميديا .. خليك زكي و متهجمش حد لا الناس دي فعلا تعبت جدا عشان تنتشر ..

سنه 2020 هتبقي من احلا السنين و صعوبه المنافسه فيها هتبقي قويه .

الاستفاده من كل ده انك متيأسش حاول و اتعب هتلاقي ربنا واقف معاك احنا خلقنا مجال و ودلوقتي بننشوره 2020 الله اعلم هتبقي عمله ازاي بس خد مكان فيها ..

Abyusif || ابيوسف (part 2)

يوسف محمد الطاي 

سواء كان اسمه كده او مازن او اي اسم فإحنا يخصنا اسم ابيوسف

الحقيقي ان كلمه Abyusif معناها فاسد 

ابيو بدأ مشواره الفني 2008 و كان بيسجل في الدولاب علشان معهوش فلوس ساعتها يروح استوديو 

كان ليه لقاء مع معازف و اتسأل عن كتابته

قال انه بيكتب كل يوم قال انه يخلص شغله في الوكاله و بليل يكتب و قال انه لو وقف كتابه لمده 3 ايام مثلا فدماغه هتحتاج وقت طويل عقبال ما تشتغل و يكتب زي الاول 

و اتسأل عن عدد تركاته قال انه بطل يعد بعد ال 200 تراك و حاليا في اختلاف علي عدد تركاته بس الاغلب انهم 400 تراك فتخيل انت واحد عمل 400 تراك هل مطالب انه يطلعلك ال 400 تراك بنفس القوه اكيد لا حتي لو وصل ان تركاته الوحشه تبقي 50 قصاد 350 تراك فده شئ يتحسبله 

ابيو مسح تركاته القديمه و بيرفض يتكلم عنها بس اللي حابب يشوفها فهي موجوده علي تشانل تكنو راب ع اليوتيوب 

حوار ابيو و انه متجوز و كده فأظن ان ده اكيد ترول يعني اكيد محدش هيسمي بنته بالنسيجا 

اما حوار المول فمحدش يعرف اذا كان ترول ولا لا بس هو اتسأل في استوري عنه و قال انه تحويشه 8 سنين فبرضو مش عايز افتي و اقول اذا كان حقيقي ولا لا 

ابيوسف عموما شخصيه متواضعه بيتكلم مع الناس في الكومنتات عادي و ساعات بيترول معاهم

و شخصيه صبوره جدا لان اي حد فضل يسجل فتره دي كلها في الدولاب فده شخص صبور جدا اي حد مكانه كان بعد سنتين هيزهق 

و شخصيه كريتيف بيعرف يطور من نفسه و بيتعلم من اخطائه دخل 3 بيفات خسر منهم اتنين استفاد منهم فنيا و اللي كسبه زود قاعدته الجماهيريه

و الراجل ده تعب جدا علشان يوصل للي هو فيه فمتجيش انت و تحكم عليه من تراكين تلاته ليه و تقول عليه وحش لانه بكل بساطه من اقوي الرابرز اللي في مصر حاليا ان مكانش اقواهم 

و من تراكات ابيو المفضله بالنسبالي هي عزرائيل و امل 1 و امل 2 و اوهام و كوزوشي و وطواط و مدينه و 300 مره و روتيلر و برد في اكتوبر ده غير تركاته اللي في دولاب 

و ابيو كون قاعده جماهيريه قويه مسميها عيله اتنين اكس و تكشيره و ليه اسامي شهره كتير زي وطواط و بنوكيو و اسامي كتير لانه يوسف الطاي عاشق الاسامي

و ابيو عمل تراكات كتير اولد سكول و نيو سكول و من القليلين اللي في مصر اللي بيغنوا باوتوتيون صح بالنسبالي هو و رع جامدين فشخ سواء باوتوتيون او من غيره و احسن اتنين بيأدوا بيه

و بالنسبه للي يقولك ابيو بيهبد ده مليون في الميه مستمع راب جديد او مش فاهم راب لان مش شرط التراك يكون ليه رساله طب اثبتلك 

عندك ايمنم مثلا اعظم رابر موجود حاليا و يتقارن باسماء تقيله قديمه زي ناز و توباك و بيجي عمل تراك اسمه Rapgod ترجم التراك هتلاقيه مش متقيد بمحتوي علشان يعرف يبين الاسكيلز اللي عنده و في تراك without me مكنش بيناقش حقوق المرأه انت لما تيجي تراب بيبقي اودامك 3 حاجات ممكن تغني توبيك (اللي انتوا بتقولو عليه هادف ) زي تراك الفرق بينا لدراجون هيل مثلا او تغريب ليوسف جوكر

ممكن تغني ديس تراك

ممكن تغني تراك اتاك اللي انت بتقول فيه انا جامد و الباقي لا  

فياريت تتقبل حقيقه انه من احسن الرابرز اللي في مصر و عرف يضيف اسمه لتاريخ الراب المصري

WEGZ || ويجز (part 2)

كان اول تراك يعمله اسمه (أحمر) وعمل تراك مع هشام رابتور اسمه (بطلو فيك)وده كان تانى تراك ليه من اول ما ابتدى يراب ومن الناس ال وقفت جنبو وعلمتو راب كان دينيو هو حاليا فى مشاكل بينهم بس مش موضوعنا وكان قبل ما يشتغل مع دينيو كان فى الهولى وود نيشن

كانت بدايه شهره ويجز مع تراك(TNT) والتراك ده كان سبب فى نقله كبيره فى حياه ويجز حرفيا وكانت هى السبب انها تحطه على اول طريق الشهره والنجاح + التراك ده كان سبب كبير فى انها خلت موسيقى التراب تنتشر فى مصر

ومن ال فيتات ال عملها:

(دايره ع المصلحه) مع مروان بابلو 

(ده و ده) مع ابيوسف

و(TNT2) مع أحمد الفيشاوي

(مش هقولك بيبى) مع عفروتو 

(كوزمو و واندا) مع باتيستوتا و L5VAVE

واغلب تركات ويجز بتكون دايما من تلحين البرديوسر DJ toti

وعمل اغنيه مع السادات اسمها (خربان) جاب 10 مليون مشاهده فى اقل من 6 شهور وكان التراك ده دليل على أن الراب المصرى انتشر فى مصر اكتر من الاول بكتير 

و ويجز بيقدم مامبل عشان كده مش بيهتم بقوه الكلمات

و ويجز وصل فى فتره قصيره لما كان بيعمل نيو سكول قبل ألمامبل وكان جامد بدليل انه بيعمل كده بمزاجه وهو من الناس ال ظهرت فى الجيل الجديد.

ويجز || WEGZ

ويجز || WEGZ

(احمد علي )الشهير ب(ويجز)

من الورديان ... ٢٠ سنه

من اليمن لكن مولود في اسكندريه

كان في كليه و في نفس الوقت شغال في ڤودافون و زي ما هو بيقول ماسلكش في التعليم فا ساب الكليه و بقا يفكر انه يجيب فلوس . 

بدا يظهر في ٢٠١٧ مع الرابر هشام رابراتور في تراك بطلوا فيك.

و بعد كده عمل تراك تي ان تي مع مجموعه من الرابرز اللي كانوا مشهورين وقتها و ده ساعدوا جدا ان يظهر في السوشيال و الناس تعرفه. 

عمل كذا تراك ناجحين جدا منهم ( مش هقولك بيبي -  تي ان تي -  كدا و كدا - ايه تي ام ) و مؤخرا نزل الاربع تراكات اللي اتسربوا في الفتره الاخيره دي ( كان نفسي  - الزار - علي راحتي - حوريه ) 

و بالنسبه لتراكين ( الزار - حوريه ) كان فيه مشكله بسببهم مع عمار حسني و هو كان بيقول ان ويجز سارق اسمائهم و بتاع بس الموضوع خلص بهدوء ما بينهم كان رد فعل ويجز السكوت.    

مروان موسي || MARWAM MOUSA

مروان موسى || MARWAN MOUSA

مواليد 1995 

الناس بتعرفه كارابر و بيديوسر 

وبتتميز اغاني مروان بأن فيهاا عمق عاطفي فيها تراكات متكامله فيهاا اشياء شخصيه فيها لحظات شك ولحظات ثقه وفيها سخريه وفيها حزن. 

مروان قبل ما يبتدي يراب درس سنيما 4 سنين في ايطاليا و درس هندسه صوت 6 شهور بعد ماخلص دراسته فى السنيما.

مروان ماكنش عاجبه حال الراب المصري لغايه ما سمع تراك من تراكات ابيوسف فا انبهر بيه وعرف ان امكانيات اللغه العربيه فى الراب ممكن توصل لمكانه عاليه وكان ابيوسف هوا بوابته لمشهد الراب المصري

ومروان موسى عمل تراك زغزغه مع ابيوسف وكان اول تعاون بينهم وجه بعديه تعاونات كتيره فى الانتاج او الغناء زي كليب كيكي الل كان من تصوير ابيوسف 

ويوم بعد يوم ابتدى مروان انو يثبت انه صاحب شخصيه وهويه خاصه بعد ما اتعرف ان مروان تؤام ابيوسف 

وبعد وقت طويل ظهرلنا مروان موسى فى اواخر 2017 بألبوم بعنوان (بالمناسبه) اللي كان منتجه كله ماعادا اغنيه (مافيش احساس) 

وبعد اعمال كتير لمروان بمفرده بدأ بإحياء ميله القديم نحو الهاوس عن طاريق (المحطه_الدوامه)

وفي سنه 2019 إنتاج البوم جديد بعنوان (بروباجاندا) والالبوم دا بيتصنف كأفضل البوم راب فى سنه 2019

ابيوسف || abyusif

ابيوسف || Apyusif

(2009-2019)

اسمه الحقيقي مازن

هو يوسف محمد الطاي...الملقب ب وطواط٣٣سنه

بدايته في الراب كانت في 2009بعدما اقنعه صاحبه الرابر (دايمتام) زي ما وضح في مقابله قديمه ليه قبل كده. 

اول تراكاته(سلبي)اللي كان مختلف جداا عن الراب اللي كان منتشر فاالوقتدا فااتشهر جداً..

ابيوسف في بدايته لغايه وقت قريب بيسجل تراكته في دولاب أوضته زي ما معروف عنه.

تميز ابيوسف في انه بيقدم نوع من الراب اللي كان مشهور في وقته وده ساعد في ان الضوء يكون متسلط عليه

وبقا الي تلاميذ كتير ماشيين بنفس طريقتوا و بيتعلموا منه

وصل عدد تركاتوا لى اكتر من 400 تراك وداا رقم كبير في الوقت القصير ده.

في الوقت من 2013:2014  كان ابيوسف مهتم بالدسات جداً وكان حرفيا بيدس اي حد ييجي ف باله حتى شارموفرز

بعد فتره من اعمال ابيوسف ابتدا ينزل تركات جديده وكان ملحوظ التطور في الكواليتي والاداء بشكل مستمر.

وبعدما ابيو نزل كام تراك بعنوان واحد واحد اتشهر بسرعه جداً ومش على الراب سين بس على جميع مواقع التواصل الاجتماعي 

ومن اهم تراكته:

 (واحد واحد - انامشهاقدرحد -ثانوس_ بهبد - باشا اعتمد - اوسكار - عملتهااجمد - تمام - عظمه)

قصه حياه مروان بابلو || MARWAN PAPLO

مروان بابلو...٢٣سنه...من الحضره الجديده في الاسكندريه

*الاب الروحي للتراب في مصر🔥*

كان عنده شخصيه قبل ما يظهر باسم مروان بابلو اسمها (داما) بس هو زي ما كان بيقول دفنها و ظهر بشخصيه (مروان بابلو) .                    و اول تراك ليه كان اسمه (عايز فين)  و بعد كده عمل تراك (الغلاف)و ده اللي كان السبب في شهرته و بعد كده عمل فيت مع (ويجز)في تراك (دايره عالمصلحه) و دي كانت خطوه كويسه جدا ليهم هما الاتنين و بعده تراك (فولكلور) و بعده تراك (سندباد) و بعده تراك (ابو مكه)و بعده تراك (الجميزه)اللي كسر الدنيا و شهره اكتر برغم من الانتقادات و التريقه اللي كانت عليه بس نجح نجاح ساحق و اخيرا تراك (فري) اللي جاب مليون مشاهده في اقل من اسبوع و كان بتصوير خرافي و عظيم .